ماني بكل الناس مجبر وملزوم
ولا هو بشرط النفس دايم كريمه
عدتني الشرهه وعداني اللوم
عن القلوب الحاقده والسقيمه
كم مجلس ما أجيه لو كنت معزوم
لا شفت وقتي فيه من غير قيمه
وكم مجلس لا وجّهو صوبه القوم
وجهت له لو ما وصلني عزيمه
وكم من رفيق رفقته حبة خشوم
ولا عنده حميا ولا فيه شيمه
جعله فدا من رفقته دايم الدوم
على المحبه والوفاء والحشيمه
والصاحب اللي ما نفعني ولا يوم
انشهد أن فرقاه عني غنيمه
وأنا من الأصحاب ماني بمعدوم
وعلاقتي بالطيب وأهله قديمه
أخاوي المطنوخ وأصد وأشوم
عن الضعيف اللي بليا عزيمه
وأمشي على مذهب وعادات وسلوم
وأقدر أصحاب القلوب السليمه
مما راق لي ..
ولا هو بشرط النفس دايم كريمه
عدتني الشرهه وعداني اللوم
عن القلوب الحاقده والسقيمه
كم مجلس ما أجيه لو كنت معزوم
لا شفت وقتي فيه من غير قيمه
وكم مجلس لا وجّهو صوبه القوم
وجهت له لو ما وصلني عزيمه
وكم من رفيق رفقته حبة خشوم
ولا عنده حميا ولا فيه شيمه
جعله فدا من رفقته دايم الدوم
على المحبه والوفاء والحشيمه
والصاحب اللي ما نفعني ولا يوم
انشهد أن فرقاه عني غنيمه
وأنا من الأصحاب ماني بمعدوم
وعلاقتي بالطيب وأهله قديمه
أخاوي المطنوخ وأصد وأشوم
عن الضعيف اللي بليا عزيمه
وأمشي على مذهب وعادات وسلوم
وأقدر أصحاب القلوب السليمه
مما راق لي ..