وش فيه لوحبيتك من زود وش فيه
..الحب نعمـــــه كـل نفـسٍ وصلهـا
قلوب خلق ذاقت الحب تشقيه
مر يميل بها و مر عدلها
أحد عماه الحظ وأحد يقديه
الله خلق هالخلق والله كفلها
لو أسعد الأيام ينباع نشريه
بأغلى ثمن والبايره نعتزلها
الجود مايبني سوى بيت راعيه
والمكرمه بالحب قلبي حملها
الحب مثل النبت محتاج نسقيه
بعض الجفا يفسد محاصيل أهلها
والي فقد شي ترى كيف يعطيه
يعطيه هروج ولا يتمم عملها
إن كان تبحث بي من عيوب ياهيه
إن شفت شي من العذاريب قلها
وإن كان تسمعني ترى الهرج تاليه
كل يطفي ناره الي شعلها
اصويحبي لاصرت أحبه ومغليه
تموت عذال الهوى في مهلها
والله أحبه حب ماني بمخفيه
حبه سكن وسط الضماير دخلها
راقت لي
